in

نظرية التطور من وجهة نظر عربية ✍

العالم كولو كيفما خلقناه هو نتيجة ديال التفكير ديالنا ، ميمكنش نغيروه الى ماغيرنا من طريقة تفكير ديالنا .

لي قالها هو “ألبرت أينشتاين” .

نظرية التطور هي وحدة من المواضيع اللي تارت جدل كبير بين الشباب خصوصا العربي و هو السبب لي خلاني نكتب على هاد الموضوع اللي مزال كنبحث فيه حيت غيوصل الأمر فاش انتعاملو مع النظرية إلى أفكار تفكيرية اتجاه المؤيدين للنظرية و ف المقابل “تجهيل” للمعارضين ديال للنظرية .

المشكلة الرئيسية اللي كتواجهنا مع نظرية التطور ماشي فالنظرية و لكن فأسلوبنا كمجتمع عربي في التفكير ديالنا، غانقولكم بعض النقط الهامة اللي غتمكنكم من الدخول للنظرية و اللي غتمكنكم باش ترسمو طريقكم بديكم .

-واش كتعتقدو بلي نظرية التطور عندها دور في الصراع بين الجبهتين ؟

يمكن لينا نقولو بلي مجموعة من المنافسين في النظرية مكتعرف حتى أبسط الأساسات فيها بحال “السلف المشترك” ، “الإنتخاب الطبيعي” ، “الطفرة “، غالبا مكيعرفوش شنو كتعني كلمة مهمة بحال : ” حفرية ” ، حيت المشكلة ماشي في النظرية بحد ذاتها كيفما قلنا، و لكن فالإعتقاد ديال بعض المؤيدين و المعارضين بلي (  العلم = التطور للي صحيح ) ، و أن ( الدين = التطور الخطأ ) ، وكياخدو هادشي كقاعدة كيمكن لينا نطبقوها ، هادشي كيخلي الفكرة تموت فعلا ” العلم Science ” كيفما كتعرفها القواميس العالمية باش نرسخو فالعقل العربي تعريف آخر و بسيط للعلم : هو مصطلح ابتكروه و البعض استعملو باش يضربو الدين ” وهادشي ليمكن لينا نعتبروه “تفلية خاوية ماعندها حتى أساس” حيت العلم و الدين هما زوج ديال طريق باش نشوفو الأمور ونجاوبدبو على الأسئلة العظيمة من نوعية ” كيفاش جينا هاد الدنيا؟ ، و علاش ؟ .. لا أكثر …

خلينا نسولو بعض الأسئلة المهمة باش تعرف واش مهتم بصح وباش تعرف الحقائق أو مهتم بزاف غي بتحقيق وجهة نظرك :

1- واش كتعتقدو بلي العلماء في الوسط العلمي عندهم رغبة باش يكون التطور صحيح ؟ وكيدفنو الدلائل اللي غتضرب النظرية ؟ او إلى تمكن شي واحد و لقى دلائل اللي قوية تقدر تكسر قواعد ديال النظرية وميقدرش يعرض البحث ديالو ؟

2- واش كتعتقد أن النظرية مؤامرة ؟ أو لا كاينة مصلحة من الناس شريرة اللي عندهم رغبة باش يضربو الإنتهدماء ديالك الديني غي باش يدخلو النظرية داخل العلم او بالعلم كولو للعالم ديالك ؟

-3 واش نظرية التطور داخلة فموضوع “وجود الله” ؟

-4- واش يمكن لك تقبل فكرة بلي أغلبية المجتمع العلمي متعامل مع النظرية على أنها ” حقائق ” ؟

-5 واش كتناقش ديما في النظرية بينما نتا مكتعرف على شنو كتهضر هاد النظرية ؟

إلى كانت الإجابات ديالك هي “نعم” فأنت  مكتتنقدش النظرية. لا علاقة لك بها ومكتعاملش معها بأي شكل من الأشكال، حيت غالبا كتحشر الأحاسيس ديالك كطرف بالقضية وغالبا كدخل فالجوانب الوهمية اللي غادي تقضي على التفكير ديالك قبل ماتبدا فيه .. أتبقا تصور بلي كاينين مؤامرات و في اجتماع مغلق رجال گالسين باش يسيطرو عليك عن طريق نظرية التطور، بينما داكشي كولو ماشي صحيح حيت مغاديش يوقع و لكن مكاينش دليل على هادشي .

للي تقدر تعتمد عليه هو التفكير ديالك و سلامة منطقك في البحث غير إلى اعتمدتي على المنطق صحيح .

متعجبش من جملة رينيه ديكارت المشهورة “أنا أفكر اذا أنا موجود ” فد، فوجودك انت ماشي مرتبط بمبنى كبير مثلا و لكن مرتبط بأفكارك أنت . أنت مستقل إن كنت تفكر .

للي كدير هو كتحط خط كتمشي فيه للرؤية ديالك عن النظرية ، وكتحط الأولوية للمشاعر و الأهواء ، هادشي أيخليك قبل مدخل لنقطة التفكير نتا كتلغي التفكير بالمرة وكتحطو بحال شي مرحلة فالهامشو لكن الواقع و الحقيقة انت أعمى ، مكتشوف غير راسك فالمراية ، نظرية التطور ماشي طرف فالصراع ديالك مع ذاتك، وعفاك متخليهاش هكا !

ميمكنش لشي باحث يحط التصورات و يتمنى النتائج عن الحقائق و لكن كيكحاز للدليل ثم الدليل للي موراه.  فكرة الحياد الذاتي بالتعامل مع أي قضية حياتية هي من أعمق النقاط اللي غتمكن باش تخليك مفكر متميز .

للعلم منهج ،كيبدا بالتساؤل عن مشكلة وكيكمل بالإفتراضات و الحلول كيمكن نخضعوها التجارب ، هاد المنهج هو باش كيمشيو العلماء في البحث و التنقيب .

للي خصك تتعلم إلى كنتي كنبغي تبحث و التنقيب معاهم أو إلى بغيتي تنتقد أسلوبهم ، تتقول قاعدة القوانين “خلقت لكي تكسر” ، ولكن هي مكتوضحش لك الجزء المهم ، هو أنك خصك تعلم هاديك القوانين وتحتارفها قبل ماتبدا تهرسهل هاديك هي الطريق باش تهرسها .

واش يمكن لينا نفسرو عدم وجود أي حفريات للحياوانات الموجودة دبل واش يمكن لنا نقلبو فكرة نشوة الحياة من الحياة ؟!

السؤال الاول كين في النظرية بينما السؤال التاني العكس، ماشي حيت الإجابات حتمية و لكن من سأل السؤال يمكن ليه باش يميلك للتيار ديالو . تيار هو غير أسلوب بافكيرك و طريقتك في البحث عن الحقائق ، ومغاديش تنقدك غير معلوماتك صحيحة و الأصلية اللي غتجمعها من مصادر اللي حقيقية و معروفة .

إلى مكنتيش مهتم قل : مامهتمش . هاد الرحلة ديالنا القصيرة هي غير طريق باش نتطرقو للنظرية لا أكثر ، أو أي نظرية علمية أخرى .

اللي يمكن نقول هو أن نظرية التطور شيء والرؤية ديالنا شيء آخر ، و حاجة أخرى لا علاقة لي بأفكار النظرية أو أي نظرية أخرى و لا حتى بالموضوع ديالها . مجرد وجهة نظر عربية .

المجتمعات اللي كتعاني الجهل يمكن ليها تعامل مع الأمور بمنطق واحد : أبيض و أسود  ، و الواقع الحالي كيخلينا أكثر سطحية في التعامل مع الأمور ، الخروج من الجهل كيبدا فاش كتعرف بلي كاين الجهل ، حنا مكنعرفو والو على نظرية التطور و لا عن الأسلوب باش تناقدات مكاينش فالأساس .

✍ جيهان تلامي .

Written by جيهان تلامي

أحب الفن من وجهة نظر فلسفية و استخدمه لعكس واقعنا الذي نعيشه وثقافتنا و تاريخنا الفن بالنسبة لي يمسح عن روحي غبار حياتي اليومية

What do you think?

144 points
Upvote Downvote

3 Comments

  1. أعجبتني طريقة الكتابة المبسطة و الغنية بالمعلومات ⁦♥️⁩

Loading…

0